“Real Sosyedad” hujumchisi Villian Joze faoliyatini "Betis"da davom ettiradi. Bu haqda klub rasmiy sayti xabar berdi.
Transfer summasi 8,5 million yevroni tashkil qildi. Futbolchi Andalusiya shahri klubi bilan 2026 yilning yoziga qadar shartnoma imzolagan.
30 yoshli Villian Joze o‘tgan mavsumda “Betis” safida ijara asosida o‘ynadi va klub safida barcha turnirlarda 44 ta o‘yinda maydonga tushib, 11 ta gol urdi va 5 ta golli uzatmani amalga oshirdi.
Avvalroq u “Deportivo”, “San-Paulu”, “Gremio”, “Santos”, “Real Madrid”, “Saragosa”, “Las-Palmas” va “Vulverxempton” klublarida o‘ynagan.
