O‘tgan mavsumni "Fiorentina"da ijara asosida o‘tkazgan "Arsenal" yarim himoyachisi Lukas Torreyraga "Lasio" qiziqish bildirmoqda, deb xabar beradi Daily Mirror.

Futbolchining o‘zi Florensiyada qolishga tayyorligini ma’lum qilgan. Biroq, "binafsharanglilar" uning transferini sotib olish bo‘yicha hozircha taklif bildirishmagan.

London klubi urugvaylik yarim himoyachi bilan xayrlashish niyatida va bu masalani hal qilishni kechiktirmaslik uchun boshqa variantlarni ko‘rib chiqishga tayyor.

"Fiorentina" Torreyrani 2021 yilning avgustida "Arsenal"dan ijaraga olgandi. Urugvaylik futbolchi 2021/22-yilgi mavsumda Italiya jamoasi safida 35 ta o‘yinda maydonga tushib, 5 ta gol urdi va 2 ta golli uzatmani amalga oshirdi.