"Barselona" "Lids" yarim himoyachisi Rafinyani 40 million yevro evaziga sotib olmoqchi, deb xabar beradi Sport.es.

Manbaga ko‘ra, "Lids" rahbariyatini bu summa qanoatlantirmayapti, chunki klub 25 yoshli braziliyalikni sotishdan kamida 65 million yevro ishlab olmoqchi.

Kataloniyaliklar direktori Mateu Alemani yarim himoyachining narxini pasaytirish uchun kelasi hafta Angliyaga uchib ketadi.

"Barselona" taklif qilishi mumkin bo‘lgan variantlardan biri bu shartnomaga himoyachi Oskar Mingesani qo‘shishdir.

Rafinya o‘tgan mavsumda "Lids" safida 35 ta o‘yinda maydonga tushib, 11 ta gol urdi va 3 ta golga assistentlik qildi.

Braziliyalik futbolchining klub bilan shartnomasi 2024 yilning 30 iyuniga qadar amal qiladi.