"Manchester Siti"ni yozda tark etishi kutilayotgan Gabriel Jezus faoliyatini Ispaniyada davom ettirishi mumkin. Bu haqda jurnalist-insayder Anton Meana xabar berdi.
Manbaga ko‘ra, braziliyalik futbolchi agentlari orqali o‘z xizmatlarini Madridning "Real" klubiga taklif qilgan. "Qirollik klubi" hozircha bunga javob bermagan.
25 yoshli Jezusning "Man Siti" bilan amaldagi shartnomasi 2023 yilda yakuniga yetadi. U ortda qolgan mavsumda APLning 28 ta o‘yinida maydonga tushib, 8 ta gol va 9 ta golli uzatma amalga oshirdi. Transfermarkt forvardni 50 millionga baholamoqda.