"Манчестер Сити"ни ёзда тарк этиши кутилаётган Габриэл Жезус фаолиятини Испанияда давом эттириши мумкин. Бу ҳақда журналист-инсайдер Антон Меана хабар берди.
Манбага кўра, бразилиялик футболчи агентлари орқали ўз хизматларини Мадриднинг "Реал" клубига таклиф қилган. "Қироллик клуби" ҳозирча бунга жавоб бермаган.
25 ёшли Жезуснинг "Ман Сити" билан амалдаги шартномаси 2023 йилда якунига етади. У ортда қолган мавсумда АПЛнинг 28 та ўйинида майдонга тушиб, 8 та гол ва 9 та голли узатма амалга оширди. Transfermarkt форвардни 50 миллионга баҳоламоқда.
