The Times xabariga ko‘ra, "Liverpul" "Benfika" hujumchisi Darvin Nunyesni sotib olmoqchi.
Ingliz klubi allaqachon 22 yoshli hujumchining transferi bo‘yicha dastlabki muzokaralarni o‘tkazgan.
2021/22 yilgi mavsumda Nunyes Lissabon jamoasi safida barcha musobaqalarda 41 ta o‘yinda maydonga tushib, 34 ta gol urdi va 4 ta golli uzatmani amalga oshirdi.
Uning klub bilan shartnomasi 2025 yilning 30 iyuniga qadar mo‘ljallangan.
Oldinroq "Benfika" o‘zining eng yaxshi to‘purarini taxminan 80 million yevroga sotishga tayyorligi haqida xabar berilgandi.