"Monako" futbolchisi bo‘lgan fransiyalik iste’dodli Aureliyen Tchuameni faoliyatini qaysi jamoada davom ettirishi borasida bir qarorga keldi.
RMC Sport jurnalistlarining xabar berishicha, 22 yoshli yarim himoyachi “Real”ni tanlagan.
Aureliyen kelishuvga rozi bo‘lgan va muzokara tez orada yakunlanishiga umid qilmoqda. Ushbu transfer “qirollik klubi” prezidenti Florentino Peresning shaxsiy nazoratida.
Potensial kelishuv summasi 80 million yevroga baholanmoqda.