"Barselona" prezidenti Joan Laporta Kataloniya klubi uchun yangi moliyaviy qoidalarni joriy qildi, deb xabar beradi AS.
Manbaga ko‘ra, "Barselona" futbolchilar uchun maosh chegarasini belgilab qo‘ygan - 10 million yevro.
Qayd etilishicha, yangi qoida tufayli Kataloniya klubi maoshni sezilarli darajada qisqartirishni rejalashtirmoqda.
Ayni vaqtda, shu sababdan "Barsa" "Real"ga o‘tgan himoyachi Antonio Ryudiger, shuningdek, "Liverpul" hujumchisi Muhammad Saloh uchun raqobatlasha olmadi. Birinchisi 12 million yevro, ikkinchisi 17 million yevro olmoqchi edi.
Shuningdek, yangi qoida klubning amaldagi o‘yinchilariga ham ta’sir qilishi xabar qilingan.
Yiliga 10 million yevrodan yuqori maoshga ega bo‘lganlardan uni kamaytirish so‘raladi - ba’zi hollarda 50 foizgacha.