"Manchester Yunayted" yozgi transfer rejalari ustida ishlamoqda.
Goal.com xabariga ko‘ra, jamoaning yangi bosh murabbiyi Erik ten Xag klubdagi ilk transfer oynasida "MYU"ga beshta yangi o‘yinchini qo‘shmoqchi.
"Manchester Yunayted"ning asosiy maqsadi "Barselona" yarim himoyachisi Frenki de Yong. Ingliz klubi yarim himoyachining o‘yinini anchadan beri kuzatib kelmoqda - "Manchester Yunayted" rahbariyati uni "Ayaks"dagi o‘yinlarida ham, "Barselona"dagi o‘yinida ham kuzatib turishgan.
Biroq, De Yongni “Manchester Yunayted” taklifini qabul qilishga ko‘ndirish kerak bo‘ladi. Manbaning ta’kidlashicha, bu kelishuv amalga oshishi uchun "barcha yulduzlar bir xil bo‘lishi kerak".
Ten Xag biladiki, Pol Pogba va Nemanya Matich ketganidan keyin klubga de Yongdan tashqari kamida yana bitta markaziy yarim himoyachi kerak. Murabbiy "Manchester Yunayted" direktori Jon Murto bilan Kalvin Fillips ("Lids") va Deklan Rays ("Vest Xem") nomzodlarini muhokama qilgan. Biroq, «Manchester Yunayted» London klubining Rays uchun qo‘ygan talablarini (taxminan 150 million funt) bajarmoqchi emas.
"Qizil iblislar" N'Golo Kantening "Chelsi" bilan yangi shartnoma bo‘yicha kelisha olmayatganidan xabardor. "Manchester Yunayted" bu o‘yinchini anchadan beri kuzatadi, ammo yarim himoyachining yoshi (u 31 da) va jarohatlari bunga to‘siq bo‘lmoqda.
Ten Xagning fikricha, "Manchester Yunayted" yozgi transfer oynasida barcha yo‘nalishlarni kuchaytirishi kerak.
Jamoaga iqtidorli hujumchi ham zarurat hisoblanadi. Shu sababli "Manchester Yunayted" "Benfika" hujumchisi Darvin Nunyesga qiziqish bildirmoqda.
