"Манчестер Юнайтед" ёзги трансфер режалари устида ишламоқда.

Goal.com хабарига кўра, жамоанинг янги бош мураббийи Эрик тен Хаг клубдаги илк трансфер ойнасида "МЮ"га бешта янги ўйинчини қўшмоқчи.

"Манчестер Юнайтед"нинг асосий мақсади "Барселона" ярим ҳимоячиси Френки де Йонг. Инглиз клуби ярим ҳимоячининг ўйинини анчадан бери кузатиб келмоқда - "Манчестер Юнайтед" раҳбарияти уни "Аякс"даги ўйинларида ҳам, "Барселона"даги ўйинида ҳам кузатиб туришган.

Бироқ, Де Йонгни “Манчестер Юнайтед” таклифини қабул қилишга кўндириш керак бўлади. Манбанинг таъкидлашича, бу келишув амалга ошиши учун "барча юлдузлар бир хил бўлиши керак".

Тен Хаг биладики, Пол Погба ва Неманья Матич кетганидан кейин клубга де Йонгдан ташқари камида яна битта марказий ярим ҳимоячи керак. Мураббий "Манчестер Юнайтед" директори Жон Мурто билан Калвин Филлипс ("Лидс") ва Деклан Райс ("Вест Хем") номзодларини муҳокама қилган. Бироқ, «Манчестер Юнайтед» Лондон клубининг Райс учун қўйган талабларини (тахминан 150 миллион фунт) бажармоқчи эмас.

"Қизил иблислар" Н'Голо Кантенинг "Челси" билан янги шартнома бўйича келиша олмаятганидан хабардор. "Манчестер Юнайтед" бу ўйинчини анчадан бери кузатади, аммо ярим ҳимоячининг ёши (у 31 да) ва жароҳатлари бунга тўсиқ бўлмоқда.

Тен Хагнинг фикрича, "Манчестер Юнайтед" ёзги трансфер ойнасида барча йўналишларни кучайтириши керак.

Жамоага иқтидорли ҳужумчи ҳам зарурат ҳисобланади. Шу сабабли "Манчестер Юнайтед" "Бенфика" ҳужумчиси Дарвин Нуньесга қизиқиш билдирмоқда.