Myunxenning "Bavariya" klubi sport direktori Hasan Salixamidjich "Liverpul" hujumchisi Sadio Maneni sotib olish bo‘yicha muzokaralar olib borish uchun Buyuk Britaniyaga jo‘nab ketdi. Buni Germaniyaning Bild nashri tasdiqladi.
Salixamidjich "Liverpul" rahbariyatini Maneni "Bavariya"ga qo‘yib yuborishga ishontirishga harakat qiladi. Ayni damda mersisaydliklar shartnomasi tugashiga atigi bir yil qolgan 30 yoshli futbolchi bilan xayrlashmoqchi emas.
"Bavariya" senegallik futbolchini 30-35 million yevroga sotib olishni kutmoqda. Mane Myunxenda "Barselona"ga o‘tish istagi tufayli rahbariyat bilan kelishmovchilikka uchragan hujumchi Robert Levandovskini almashtirishi mumkin.