Мюнхеннинг "Бавария" клуби спорт директори Ҳасан Салихамиджич "Ливерпуль" ҳужумчиси Садио Манени сотиб олиш бўйича музокаралар олиб бориш учун Буюк Британияга жўнаб кетди. Буни Германиянинг Bild нашри тасдиқлади.
Салихамиджич "Ливерпуль" раҳбариятини Манени "Бавария"га қўйиб юборишга ишонтиришга ҳаракат қилади. Айни дамда мерсисайдликлар шартномаси тугашига атиги бир йил қолган 30 ёшли футболчи билан хайрлашмоқчи эмас.
"Бавария" сенегаллик футболчини 30-35 миллион еврога сотиб олишни кутмоқда. Мане Мюнхенда "Барселона"га ўтиш истаги туфайли раҳбарият билан келишмовчиликка учраган ҳужумчи Роберт Левандовскини алмаштириши мумкин.