Madridning “Real” klubi yozgi transfer oynasida hujumchi sotib olmoqchi emas, deb xabar beradi Sport.es.

Manbaga ko‘ra, "Real Madrid" o‘tgan mavsumda "Xetafe"da ijara asosida o‘ynagan Borxa Mayoralni jamoaga qaytaradi. Shuningdek, "Qirollik klubi" o‘tgan mavsumda jarohatlar tufayli ko‘p o‘tkazib yuborgan Eden Azarga ham umid bog‘lamoqda.

Oldinroq Madridning “Real” klubi fransiyalik hujumchi Kilian Mbappeni o‘z safiga qo‘shib olmoqchi edi, biroq transfer amalga oshmay qoldi va fransiyalik futbolchi “PSJ” bilan shartnomasini uzaytirdi.

Eslatib o‘tamiz, o‘tgan mavsum yakunida Madridning “Real” klubi Ispaniya chempionligini qo‘lga kiritgan edi. Jamoa turnirning final uchrashuvida “Liverpul”ni mag‘lub etib, Chempionlar ligasida ham g‘olib chiqdi.