«Chelsi» rahbariyati Sezar Aspilikueta va Markos Alonsoning kelajagiga oydinlik kiritmoqchi.

Ikkala ispaniyalik himoyachining ham shartnomasi bir yildan so‘ng tugaydi, shuning uchun «Barselona» «Chelsi»ga ularni sezilarli darajada arzonlashtirilgan narxda qo‘yib yuborishiga umid qilmoqda.

Marca xabariga ko‘ra, londonliklar o‘z navbatida yaqin soatlar ichida Alonso va Aspilikueta bilan uchrashuv tashkil etib, «Barselona»ning qiziqishi fonida bu masalaga oydinlik kiritishni rejalashtirgan.

Ma’lumot uchun, Aspilikueta o‘tgan mavsumda «Chelsi» safida 47 ta o‘yinda maydonga tushib, 3 ta gol va yana shuncha golli uzatmaga mualliflik qilgan.

Ispaniyaga qaytish istagini allaqachon e’lon qilgan Markos Alonso hisobiga 46 ta jangda 5 ta gol va 6 ta golli uzatma mavjud.