«Челси» раҳбарияти Сезар Аспиликуэта ва Маркос Алонсонинг келажагига ойдинлик киритмоқчи.

Иккала испаниялик ҳимоячининг ҳам шартномаси бир йилдан сўнг тугайди, шунинг учун «Барселона» «Челси»га уларни сезиларли даражада арзонлаштирилган нархда қўйиб юборишига умид қилмоқда.

Marca хабарига кўра, лондонликлар ўз навбатида яқин соатлар ичида Алонсо ва Аспиликуэта билан учрашув ташкил этиб, «Барселона»нинг қизиқиши фонида бу масалага ойдинлик киритишни режалаштирган.

Маълумот учун, Аспиликуэта ўтган мавсумда «Челси» сафида 47 та ўйинда майдонга тушиб, 3 та гол ва яна шунча голли узатмага муаллифлик қилган.

Испанияга қайтиш истагини аллақачон эълон қилган Маркос Алонсо ҳисобига 46 та жангда 5 та гол ва 6 та голли узатма мавжуд.