Niderlandiya terma jamoasi hujumchisi Memfis Depay Millatlar ligasi doirasida Polshaga qarshi o‘yinni (2:2) sarhisob qildi. Hujumchi uchrashuv yakunida penaltini golga aylantira olmadi.
“Men ko‘p vaqtimni penaltilar bo‘yicha mashg‘ulotlarga sarflayman va ko‘pincha to‘p darvozaga kirib boradi, ammo, afsuski, bugun bunday bo‘lmadi. G‘alabaga bir qadam qolgandi. Shu sababdan durang men uchun mag‘lubiyatdek tuyuladi", - deya Depayning so‘zlarini keltiradi Tuttomercatoweb.
Niderlandiya o‘yin davomida 0:2 hisobini 2:2 ga o‘zgartira oldi. Memfis Depay o‘yin so‘nggida penaltidan gol ura olmadi.
