«Barselona» hujumchisi Lamin Yamal Chempionlar ligasi chorak finali doirasidagi «Atletiko»ga qarshi o‘yin oldidan jurnalistlar bilan suhbatlashdi.
«Hozirgi kunda dunyoning eng yaxshi futbolchisimanmi? Bu meni qiziqtirmaydi. Bu sizga hech qanday sovrin keltirmaydi. Meni faqat ertangi «kambek» tashvishga solmoqda», — deya futbolchining so‘zlarini Canal Plus yetkazmoqda.
Joriy mavsumda Yamal La Ligada 27 ta o‘yinda maydonga tushib, 15 ta gol va 12 ta golli uzatmani amalga oshirdi. Transfermarkt portali futbolchini 200 mln yevroga baholamoqda. Chempionlar ligasining joriy mavsumida esa hujumchi hisobida 9 ta o‘yin, 5 ta gol va 4 ta natijali uzatma mavjud.
