"Roma" "Aston Villa" yarim himoyachisi Duglas Luis va "Vulverxempton" yarim himoyachisi Ruben Neveshga qiziqish bildirmoqda, deb yozadi jurnalist Nikolo Skira o‘zining Twitter sahifasida.
Manbaga ko‘ra, rimliklar bosh murabbiyi Joze Mourinyo ulardan birini transfer qilishdan manfaatdor, chunki portugaliyalik mutaxassis yarim himoya zonasida "top" futbolchini ko‘rmoqchi.
O‘tgan mavsumda Nevesh 36 ta o‘yin o‘tkazib, 4 ta gol urdi va 2 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda. 25 yoshli portugaliyalikning shartnomasi 2023 yilda yakuniga yetadi.
Duglas Luis o‘tgan mavsumda "Aston Villa" safida 35 ta o‘yinda maydonga tushib, 2 ta gol urdi va 3 ta golga assistentlik qildi. Transfermarkt portali futbolchining narxini 35 million yevroga baholamoqda. 24 yoshli braziliyalikning Birmingem klubi bilan shartnomasi ham 2023 yilda yakuniga yetadi.
