“Chelsi”ning belgiyalik hujumchisi Romelu Lukaku “PSJ”ga o‘tishdan bosh tortdi, deya xabar beradi Corriere della Serra.

Manbaga ko‘ra, fransuz klubi futbolchiga taklif bilan chiqqan, biroq u faqat "Inter"ga o‘tmoqchi ekanligini ma’lum qilgan.

Oldinroq milanliklar yozgi transfer oynasida hujumchi ijaraga olishi mumkinligi haqida xabarlar tarqalgan edi.

29 yoshli Lukaku o‘tgan mavsumda "Chelsi" safida barcha turnirlarda 44 ta o‘yinda maydonga tushib, 15 ta gol urdi va 2 ta golga assistentlik qildi.

Uning klub bilan shartnomasi 2026 yilning yoziga qadar mo‘ljallangan.