“Челси”нинг бельгиялик ҳужумчиси Ромелу Лукаку “ПСЖ”га ўтишдан бош тортди, дея хабар беради Corriere della Serra.
Манбага кўра, француз клуби футболчига таклиф билан чиққан, бироқ у фақат "Интер"га ўтмоқчи эканлигини маълум қилган.
Олдинроқ миланликлар ёзги трансфер ойнасида ҳужумчи ижарага олиши мумкинлиги ҳақида хабарлар тарқалган эди.
29 ёшли Лукаку ўтган мавсумда "Челси" сафида барча турнирларда 44 та ўйинда майдонга тушиб, 15 та гол урди ва 2 та голга ассистентлик қилди.
Унинг клуб билан шартномаси 2026 йилнинг ёзига қадар мўлжалланган.
