"Bryugge" hujumchisi Noa Lang "Milan" bilan kelishib olgani yo‘qligini aytdi. Oldinroq milanliklar niderlandiyalik futbolchini sotib olishga yaqin turgani haqida xabar berilgandi.
"Ayni damda "Milan" yoki boshqa klub bilan kelishuvim yo‘q. Men bu yangiliklarning qayerdan kelganini bilmayman”, - deya Langdan iqtibos keltiradi Nikolo Skira.
Futbolchi yozda "Bryugge"ni tark etishga tayyor. U Niderlandiya terma jamoasining o‘yinchisiga aylangani uchun ko‘plab top-klublar uni ushbu transfer oynasida qo‘lga kiritishga intilishmoqda.