Myunxenning "Bavariya" klubi yarim himoyachisi Marko Roka "Lids"ga o‘tishga yaqin turibdi, deya xabar beradi Sky Sports.
Manba bergan xabarga ko‘ra, ertaga, 17 iyun kuni 25 yoshli ispaniyalik futbolchi transferni yakunlash uchun tibbiy ko‘rikdan o‘tadi.
Futbolchini sotib olish ingliz klubiga 12 million yevroga tushadi. Mablag‘ bonuslar bilan birga 17 million yevrogacha ko‘tarilishi mumkin. Futbolchi 2026 yilning iyun oyi oxirigacha shartnoma imzolaydi.
2021/22 yilgi mavsumda Roka “Bavariya” safida 13 ta o‘yinda qatnashib, gol kirita olmagan.