Jahon chempionati boshlanishiga hali ko‘p muddat bor, ammo hozir har bir qit’ada terma jamoalar o‘yinlari o‘tkazimoqda. Ba’zi-birlari o‘rtoqlik maqomida bo‘lsa, Yevropada Millatlar ligasi davom etmoqda. Garchi, Mundial startiga ko‘p vaqt bo‘lsa-da, bugun biz JCH-2022 da ishtirok etadigan terma jamoalarga, aniqroq qilib aytadigan bo‘lsak, ularning qiymatiga e’tibor qaratmoqchimiz.
Argentina (617 mln yevro)
Bir necha yil oldin Argentina terma jamoasi tarkibi Lionel Messi tufayli 100 million yevro qimmatroq baholangan edi. Hozirda "PSJ" hujumchisining narxi 50 million yevroni tashkil qiladi. Ayni damda "albiseleste"ning eng qimmat futbolchisi "Inter" hujumchisi Lautaro Martines bo‘lib, uning transfer narxi 75 million yevro etib belgilangan. Lautaro milanliklarningeng qimmat, A Seriyaning esa ikkinchi eng qimmat futbolchisi hisoblanadi. Faqat “Yuventus” forvardiDushan Vlaxovich A seriya doirasida Lautarodan qimmatroq baholangan - 85 million yevro.
Ispaniya (745 mln yevro)
Ispaniyada nisbatan yoshroq bo‘lgan futbolchilar bor, lekin bu hozirdanoq o‘z natijasini bermoqda. Luis Enrike shogirdlari Jahon chempionati yo‘llanmasiga birinchilardan bo‘lib ega chiqdi va Millatlar ligasida ham yaxshi o‘yin ko‘rsatmoqda. “Qizil furiya”ning eng qimmat futbolchisi “Barselona” yarim himoyachisi Pedri bo‘lib, uning transfer narxi 80 million yevroni tashkil qiladi. Pedri Kataloniya klubidagi eng qimmat, La Ligadagi esa ikkinchi eng qimmat futbolchidir. “Manchester Siti” yarim himoyachisi Rodri (70 million yevro), “Barselona” vingeri Ansu Fati (60 million yevro) va “ko‘k-anorranglilar”ning yana bir futbolchisi Gavi (60 million yevro) ham Ispaniya terma jamoasining qimmatbaho futbolchilari reytingidan joy olgan.
Germaniya (804 mln yevro)
Germaniya terma jamoasi har qanday turnirning favoritlaridan biri hisoblanadi. Jahon chempionatida ham shunday bo‘lishi aniq. Qolaversa, nemislaning o‘yini anchadan beri shakllanib kelgan. Hozirda Bundestemning eng qimmat futbolchisi Yozua Kimmix hisoblanadi. "Bavariya" yarim himoyachisi 80 million yevroga baholangan. Kimmix Myunxen klubining va Bundesliganing eng qimmat futbolchisidir. “Chelsi” yarim himoyachisi Kay Haverts (70 million), “Bavariya” yarim himoyachisilari Jamol Musiala (65 million), Leon Goretska (65 million) va vinger Serj Gnabri (65 million) ham “nemis mashinasi”ning eng eng qimmat futbolchisi reytingida yuqori o‘rinlarni egallagan. Xans-Diter Flik "Bavariya"da katta muvaffaqiyatlarga erishdi, endi u terma jamoada ham shunday natijalarni takrorlashi kutilmoqda.
Portugaliya (844 mln yevro)
Portugaliya terma jamoasi ham ko‘plab musobaqalarning favoritlari qatoridan joy olib keladi. Qatardagi Mundial ham bundan mustasno emas. Lekin ular har doim ham o‘ziga yuklatilgan vazifalarni uddalab kelgan. Krishtianu Ronaldu jamoa uchun muhim o‘yinchi bo‘lib qolmoqda, ammo uning transfer narxi asta-sekin pastlab ketdi. “Manchester Yunayted” yarim himoyachisi Brunu Fernandesh ayni damda Portugaliyaning eng qimmat futbolchisi hisoblanadi. Xavbekning narxi 90 million yevro. “Manchester Siti” yarim himoyachisi Bernardu Silva (75 mln), himoyachilari Ruben Diash (75 mln) va Joau Kanselu (70 mln), “Atletiko” hujumchisi Joau Feliks (70 mln) va “Milan” vingeri Rafael Leau (70 mln) ham yuqori transfer qiymatiga ega. Portugaliyada avlodlar almashinuvi unchalik yaxshi ketmayapti, ammo Fernandu Santush jamoasi hali ham ko‘p narsaga qodir.
Braziliya (1,01 milliard yevro)
Braziliya terma jamoasida har doim yuqori sifatli ijrochilar ko‘p bo‘lgan. Vinisius Junior hozirda Selesaodagi eng qimmat futbolchi hisoblanadi. "Real" vingerining transfer narxi 100 mln yevroni tashkil qiladi. Vinisius “qirollik klubi” va La Ligadagi eng qimmat futbolchidir. Bundan tashqari, u dunyodaginarxi qimmat bo‘lgan charm to‘p ustalari uchligidan joy olgan. "PSJ" futbolchilari Neymar (75 mln), Markinyos (70 m), "Liverpul" darvozaboni Alisson (60 m), "Real Madrid" vingeri Rodrigo (60 m) va himoyachi Eder Miliatoning narxi (60 mln) ham Braziliya terma jamoasida yuqori baholanmoqda. Bunday yigitlar bilan “pentakapeonlar” JCHning asosiy favoriti bo‘lishi tayin.
Fransiya (1,06 milliard yevro)
Fransiya tarkibida har doim ko‘plab iqtidorli futbolchilar bo‘lgan. “Uch ranglilar”ning hozirgiko‘rinishi har doimgidanda kuchli. Ularning eng qimmat futbolchisi Kilian Mbappe hisoblanadi. “PSJ” hujumchisi 160 million yevroga baholanmoqda. Shuningdek, uni dunyodagi eng qimmat futbolchisi ekanligini ham unutmaslik kerak. “RB Leypsig” yarim himoyachisi Kristofer Nkunku (80 mln), “Manchester Yunayted” himoyachisi Rafael Varan (60 mln), “Real” yarim himoyachisi Orelyen Tchuameni (60 mln) va “Bavariya” vingeri Kingsli Koman (60 mln)ning narxi ham yuqori ko‘rsatkichga ega. Amaldagi jahon chempionlari o‘z unvonlarini qanday himoya qilishlari ko‘pchilik uchun juda ham qiziq.
Angliya (1,31 milliard yevro)
Angliya dunyoning istiqbolli jamoalaridan biri. Qolaversa, “uch sherlar” eng qimmat tarkibiga ham ega. Transfer qiymati bo‘yicha britaniyaliklar orasida Xarri Keyn yetakchi hisoblanadi. "Tottenxem" forvardi 100 million yevroga baholanmoqda va u dunyoning eng qimmat futbolchilari uchligiga kiradi. “Manchester Siti”ning bir nechta vakillari Angliya safida tarkib borasida yuqori qiymatga baholangan: Fil Foden (90 mln), Raxim Sterling (85 mln), Jek Grilish (80 mln), “Borussiya D” yarim himoyachisi Jud Bellingem (80 mln), “Liverpul” himoyachisi Trent Aleksander-Arnold (80 mln). Yevro-2020 finalida mag‘lub bo‘lgan bu jamoa yangi cho‘qqilarni zabt etishga intilishi tayin.
