Жаҳон чемпионати бошланишига ҳали кўп муддат бор, аммо ҳозир ҳар бир қитъада терма жамоалар ўйинлари ўтказимоқда. Баъзи-бирлари ўртоқлик мақомида бўлса, Европада Миллатлар лигаси давом этмоқда. Гарчи, Мундиал стартига кўп вақт бўлса-да, бугун биз ЖЧ-2022 да иштирок этадиган терма жамоаларга, аниқроқ қилиб айтадиган бўлсак, уларнинг қийматига эътибор қаратмоқчимиз.
Аргентина (617 млн евро)
Бир неча йил олдин Аргентина терма жамоаси таркиби Лионель Месси туфайли 100 миллион евро қимматроқ баҳоланган эди. Ҳозирда "ПСЖ" ҳужумчисининг нархи 50 миллион еврони ташкил қилади. Айни дамда "альбиселесте"нинг энг қиммат футболчиси "Интер" ҳужумчиси Лаутаро Мартинес бўлиб, унинг трансфер нархи 75 миллион евро этиб белгиланган. Лаутаро миланликларнингэнг қиммат, А Сериянинг эса иккинчи энг қиммат футболчиси ҳисобланади. Фақат “Ювентус” форвардиДушан Влахович А серия доирасида Лаутародан қимматроқ баҳоланган - 85 миллион евро.
Испания (745 млн евро)
Испанияда нисбатан ёшроқ бўлган футболчилар бор, лекин бу ҳозирданоқ ўз натижасини бермоқда. Луис Энрике шогирдлари Жаҳон чемпионати йўлланмасига биринчилардан бўлиб эга чиқди ва Миллатлар лигасида ҳам яхши ўйин кўрсатмоқда. “Қизил фурия”нинг энг қиммат футболчиси “Барселона” ярим ҳимоячиси Педри бўлиб, унинг трансфер нархи 80 миллион еврони ташкил қилади. Педри Каталония клубидаги энг қиммат, Ла Лигадаги эса иккинчи энг қиммат футболчидир. “Манчестер Сити” ярим ҳимоячиси Родри (70 миллион евро), “Барселона” вингери Ансу Фати (60 миллион евро) ва “кўк-анорранглилар”нинг яна бир футболчиси Гави (60 миллион евро) ҳам Испания терма жамоасининг қимматбаҳо футболчилари рейтингидан жой олган.
Германия (804 млн евро)
Германия терма жамоаси ҳар қандай турнирнинг фаворитларидан бири ҳисобланади. Жаҳон чемпионатида ҳам шундай бўлиши аниқ. Қолаверса, немисланинг ўйини анчадан бери шаклланиб келган. Ҳозирда Бундестемнинг энг қиммат футболчиси Йозуа Киммих ҳисобланади. "Бавария" ярим ҳимоячиси 80 миллион еврога баҳоланган. Киммих Мюнхен клубининг ва Бундеслиганинг энг қиммат футболчисидир. “Челси” ярим ҳимоячиси Кай Ҳавертц (70 миллион), “Бавария” ярим ҳимоячисилари Жамол Мусиала (65 миллион), Леон Горетцка (65 миллион) ва вингер Серж Гнабри (65 миллион) ҳам “немис машинаси”нинг энг энг қиммат футболчиси рейтингида юқори ўринларни эгаллаган. Ханс-Дитер Флик "Бавария"да катта муваффақиятларга эришди, энди у терма жамоада ҳам шундай натижаларни такрорлаши кутилмоқда.
Португалия (844 млн евро)
Португалия терма жамоаси ҳам кўплаб мусобақаларнинг фаворитлари қаторидан жой олиб келади. Қатардаги Мундиал ҳам бундан мустасно эмас. Лекин улар ҳар доим ҳам ўзига юклатилган вазифаларни уддалаб келган. Криштиану Роналду жамоа учун муҳим ўйинчи бўлиб қолмоқда, аммо унинг трансфер нархи аста-секин пастлаб кетди. “Манчестер Юнайтед” ярим ҳимоячиси Бруну Фернандеш айни дамда Португалиянинг энг қиммат футболчиси ҳисобланади. Хавбекнинг нархи 90 миллион евро. “Манчестер Сити” ярим ҳимоячиси Бернарду Силва (75 млн), ҳимоячилари Рубен Диаш (75 млн) ва Жоау Канселу (70 млн), “Атлетико” ҳужумчиси Жоау Феликс (70 млн) ва “Милан” вингери Рафаэль Леау (70 млн) ҳам юқори трансфер қийматига эга. Португалияда авлодлар алмашинуви унчалик яхши кетмаяпти, аммо Фернанду Сантуш жамоаси ҳали ҳам кўп нарсага қодир.
Бразилия (1,01 миллиард евро)
Бразилия терма жамоасида ҳар доим юқори сифатли ижрочилар кўп бўлган. Винисиус Жуниор ҳозирда Селесаодаги энг қиммат футболчи ҳисобланади. "Реал" вингерининг трансфер нархи 100 млн еврони ташкил қилади. Винисиус “қироллик клуби” ва Ла Лигадаги энг қиммат футболчидир. Бундан ташқари, у дунёдагинархи қиммат бўлган чарм тўп усталари учлигидан жой олган. "ПСЖ" футболчилари Неймар (75 млн), Маркиньос (70 м), "Ливерпуль" дарвозабони Алиссон (60 м), "Реал Мадрид" вингери Родриго (60 м) ва ҳимоячи Эдер Милиатонинг нархи (60 млн) ҳам Бразилия терма жамоасида юқори баҳоланмоқда. Бундай йигитлар билан “пентакапеонлар” ЖЧнинг асосий фаворити бўлиши тайин.
Франция (1,06 миллиард евро)
Франция таркибида ҳар доим кўплаб иқтидорли футболчилар бўлган. “Уч ранглилар”нинг ҳозиргикўриниши ҳар доимгиданда кучли. Уларнинг энг қиммат футболчиси Килиан Мбаппе ҳисобланади. “ПСЖ” ҳужумчиси 160 миллион еврога баҳоланмоқда. Шунингдек, уни дунёдаги энг қиммат футболчиси эканлигини ҳам унутмаслик керак. “РБ Лейпциг” ярим ҳимоячиси Кристофер Нкунку (80 млн), “Манчестер Юнайтед” ҳимоячиси Рафаэль Варан (60 млн), “Реал” ярим ҳимоячиси Орельен Тчуамени (60 млн) ва “Бавария” вингери Кингсли Коман (60 млн)нинг нархи ҳам юқори кўрсаткичга эга. Амалдаги жаҳон чемпионлари ўз унвонларини қандай ҳимоя қилишлари кўпчилик учун жуда ҳам қизиқ.
Англия (1,31 миллиард евро)
Англия дунёнинг истиқболли жамоаларидан бири. Қолаверса, “уч шерлар” энг қиммат таркибига ҳам эга. Трансфер қиймати бўйича британияликлар орасида Харри Кейн етакчи ҳисобланади. "Тоттенхэм" форварди 100 миллион еврога баҳоланмоқда ва у дунёнинг энг қиммат футболчилари учлигига киради. “Манчестер Сити”нинг бир нечта вакиллари Англия сафида таркиб борасида юқори қийматга баҳоланган: Фил Фоден (90 млн), Рахим Стерлинг (85 млн), Жек Грилиш (80 млн), “Боруссия Д” ярим ҳимоячиси Жуд Беллингем (80 млн), “Ливерпуль” ҳимоячиси Трент Александер-Арнолд (80 млн). Евро-2020 финалида мағлуб бўлган бу жамоа янги чўққиларни забт этишга интилиши тайин.
