Rossiyalik hujumchi Artem Dzyuba "Fenerbaxche"ga o‘tishga yaqin turibdi, deb xabar beradi Mutko Telegram kanali. Manbaga ko‘ra, 33 yoshli futbolchi turk jamoasi bilan ikki yillik shartnoma imzolashni rejalashtirgan.

Shu bilan birga, Dzyubaning maoshi "Zenit"da olganidan unchalik farq qilmaydi. Qayd etilishicha, futbolchi hali Istanbulga kelmagan.

22 may kuni "Zenit" Dzyubaning ketishini e’lon qildi. Forvard 2015 yilning yozidan buyon "ko‘k-oq-ko‘klar" safida to‘p tepayotgan edi.

O‘tgan mavsumda hujumchi peterburgliklar tarkibida 39 ta o‘yinda maydonga tushib, 13 ta gol urdi va 10 ta golli uzatmani amalga oshirdi.