"Arsenal" yarim himoyachisi Lukas Torreyra Italiya chempionatida qolishi mumkin, deya xabar beradi jurnalist Nikolo Skira.
Manbaga ko‘ra, o‘tgan mavsumda "Fiorentina"da ijara asosida o‘ynagan 26 yoshli urugvaylik futbolchi "kanonirlar" bosh murabbiyi Mikel Artetaning kelajakdagi rejalariga kiritilmagan.
Futbolchiga "Roma" va "Monsa" klublari qiziqish bildirmoqda. Uning o‘zi Italiyada o‘ziga yangi jamoa topishdan manfaatdor.
2021/22 yilgi mavsumda Torreyra "Fiorentina" tarkibida 35 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Transfermarkt.com portali yarim himoyachining narxini 20 million yevroga baholamoqda.
