"Арсенал" ярим ҳимоячиси Лукас Торрейра Италия чемпионатида қолиши мумкин, дея хабар беради журналист Николо Скира.
Манбага кўра, ўтган мавсумда "Фиорентина"да ижара асосида ўйнаган 26 ёшли уругвайлик футболчи "канонирлар" бош мураббийи Микель Артетанинг келажакдаги режаларига киритилмаган.
Футболчига "Рома" ва "Монца" клублари қизиқиш билдирмоқда. Унинг ўзи Италияда ўзига янги жамоа топишдан манфаатдор.
2021/22 йилги мавсумда Торрейра "Фиорентина" таркибида 35 та ўйинда майдонга тушиб, 5 та гол урди ва 2 та голли узатмани амалга оширди. Transfermarkt.com портали ярим ҳимоячининг нархини 20 миллион еврога баҳоламоқда.
