"Manchester Siti" hujumchisi Rahim Sterling "Chelsi"ga o‘tishga yaqin turibdi, deya xabar beradi jurnalist Janluka Di Marsio o‘z saytida.
Manbaning ta’kidlashicha, "ko‘klar" 27 yoshli futbolchini qo‘lga kiritishlari mumkinligiga ishonchlari komil. Sterling "Chelsi" bosh murabbiyi Tomas Tuxelni juda yaxshi ko‘radi.
Qayd etilishicha, bitim summasi taxminan 35 million funt sterlingni (taxminan 41 million yevro) tashkil qiladi.
Avvalroq “shaharliklar” o‘z futbolchisini 60 million yevro tovon puli evaziga qo‘yib yuborishga tayyor ekani, Sterlingning o‘zi esa “Chelsi”ga o‘tishga faqat asosiy tarkibdan joy kafolatlangan taqdirdagina rozi bo‘lishi haqida xabar berilgandi.