"Renn" va Marokash terma jamoasi himoyachisi Naif Ager Angliyaning "Vest Xem Yunayted" klubiga o‘tdi, deb xabar beradi London klubi rasmiy sayti.
Ager "bolg‘achilar" bilan 5 yillik shartnoma imzoladi. Marokashlik himoyachi ingliz klubida 27-raqam ostida o‘ynaydi.
Naif o‘tgan mavsumda Fransiya chempionatining eng yaxshi himoyachilaridan biri bo‘ldi. U "Renn" safida jami 79 ta o‘yin o‘tkazdi. Transfermarkt Naif Agerni 12 million yevroga baholagan.