Superliganing 12-turidan o‘rin olgan “Bunyodkor” – “Qo‘qon-1912” (1:1) uchrashuvidan keyin mehmonlar ustozi Baxtiyor Ashurmatov o‘z fikrlari bilan o‘rtoqlashdi.
- O‘ylaymanki, bugun g‘alabaga loyiq edik. Afsuski, oxirgi daqiqalarda e’tiborsizlik qimmatga tushdi. Raqib futbolchilarining oxirigacha kurashganini ham aytish joiz. Uch ochko muhim edi. Chunki turnir jadvalidagi holatimizni yaxshi deb bo‘lmaydi. O‘yin tengkurashlar ostida, maydon markazida kechdi. “Bunyodkor” barqaror o‘yin ko‘rsatmayapti. Lekin ularning futbolchilarini saviyasiz, demagan bo‘lar edim. “Bunyodkor”da yosh va o‘sishga intilayotgan futbolchilar bor. Davron Ergashev, Ibrohim Tomiva, Avazbek O‘lmasaliyev, Dilshod Jo‘rayev kabi futbolchilar yonida yoshlar o‘sib boryapti.
