Суперлиганинг 12-туридан ўрин олган “Бунёдкор” – “Қўқон-1912” (1:1) учрашувидан кейин меҳмонлар устози Бахтиёр Ашурматов ўз фикрлари билан ўртоқлашди.

- Ўйлайманки, бугун ғалабага лойиқ эдик. Афсуски, охирги дақиқаларда эътиборсизлик қимматга тушди. Рақиб футболчиларининг охиригача курашганини ҳам айтиш жоиз. Уч очко муҳим эди. Чунки турнир жадвалидаги ҳолатимизни яхши деб бўлмайди. Ўйин тенгкурашлар остида, майдон марказида кечди. “Бунёдкор” барқарор ўйин кўрсатмаяпти. Лекин уларнинг футболчиларини савиясиз, демаган бўлар эдим. “Бунёдкор”да ёш ва ўсишга интилаётган футболчилар бор. Даврон Эргашев, Иброҳим Томива, Авазбек Ўлмасалиев, Дилшод Жўраев каби футболчилар ёнида ёшлар ўсиб боряпти.