"Manchester Siti" o‘z yarim himoyachisi Bernardu Silvani sotish bo‘yicha muzokaralarni boshlashga tayyor ekanligini e’lon qildi. Sport Bible nashriga ko‘ra, "shaharliklar" portugaliyalikni 100 million yevrodan boshlab sotishni ko‘rib chiqadi.
Qayd etilishicha, Silvaning o‘zi ham "Manchester Siti"ni tark etib, faoliyatini Ispaniya La Ligasida davom ettirishni xohlaydi. O‘tgan yozda portugaliyalik futbolchi ketishga urinib ko‘rgan edi, ammo klub uni "Atletiko Madrid"ga sotishdan bosh tortdi.
Silva "Manchester Siti"ga 2017 yilning yozida Fransiyaning "Monako" klubidan o‘tgan.













