Madridning “Real” klubi “Botofogo” klubining 18 yoshli hujumchisi Mateus Nasimentoni diqqat bilan kuzatib bormoqda.
Ispaniyaning AS nashri xabariga ko‘ra, jamoa 34 yoshli hujumchi Karim Benzemasiz qolishiga tayyorgarlik ko‘rmoqda. Manbaning aniqlik kiritishicha, agar Mateus haqiqatan ham "Real Madrid"ga o‘tsa, u klubning ikkinchi jamoasida o‘ynaydi. Ilgari Vinisius Junior va Rodrigo shunday sinovdan o‘tgan edi.
18 yoshli Mateus 2020 yilning kuzida "Botofogo" safida debyut qilgan. Braziliya chempionatining joriy mavsumida futbolchi barcha turnirlarda 18 ta o‘yin o‘tkazib, 7 ta gol urdi va golli uzatmani amalga oshirdi.
