“PSJ” yulduzi Lionel Messi jahon futbolining eng qimmat faxriylari reytingida birinchi o‘rinni egalladi.

Yaqinda o‘zining 35 yoshini nishonlagan argentinalik futbolchining transfer narxi 50 million yevroga baholanmoqda.

Bu 35 va undan katta yoshli futbolchilar orasida dunyodagi eng yuqori ko‘rsatkich hisoblanadi. Bunday ma’lumotlar nufuzli Transfermarkt portali tomonidan taqdim etildi.

37 yoshli hujumchi Krishtianu Ronaldu 30 million yevro bilan ikkinchi o‘rindan joy olgan. E’tiborlisi, portugaliyalik kuchli o‘ntalikka kirgan 36 yoshdan oshgan yagona futbolchi bo‘ldi.

Kuchli uchlikni “Bavariya”ning 36 yoshli darvozaboni Manuel Noyer 15 million yevro bilan yakunladi.

To‘rtinchi o‘rin Luka Modrichga tegishli – 10 million yevro, beshinchi o‘rinni esa 35 yoshli Keylor Navas va Luis Suares bo‘lishdi – har biri 8 million yevrodan.