"Barselona" yarim himoyachisi Frenki de Yongni "Manchester Yunayted"ga sotishga tayyor. Ammo ispan klubi futbolchi uchun 85 million yevro talab qilmoqda, deydi insayder Fabrisio Romano.

Ingliz klubining oxirgi taklifi 65 million. "Manchester Yunayted" yetishmayotgan summani mumkin bo‘lgan bonus to‘lovlari sifatida to‘lashga tayyor.

25 yoshli niderlandiyalik futbolchi ingliz klubiga o‘tishga tayyor. U "Ayaks"da birga ishlagan "Manchester Yunayted" bosh murabbiyi Erik ten Xag bilan birga ishlamoqchi.

De Yong o‘tgan mavsumda "Barselona" safida 46 ta o‘yinda maydonga tushib, 4 ta gol urdi va 5 ta golga assistentlik qildi. Futbolchining kataloniyaliklar bilan amaldagi shartnomasi 2026 yilning 30 iyuniga qadar tuzilgan.