Argentinalik hujumchi Lionel Messi va portugaliyalik yulduz Krishtianu Ronaldu yana bir bor bir maydonda to‘p surishi mumkin. Bu haqda ESPN Argentina xabar berdi.
Manba ma’lumotiga ko‘ra, Argentina terma jamoasining sobiq hujumchisi Karlos Teves o‘z vatanida xayrlashuv uchrashuvini tashkil etishni rejalashtirmoqda. O‘yin 19 dekabr kuni o‘tkazilishi kutilmoqda.
Tarqalayotgan xabarlarga qaraganda, Teves faoliyati davomida birga to‘p surgan qariyb 60 nafar futbolchini mazkur uchrashuvga taklif qilmoqchi. Mehmonlar orasida Lionel Messi, Krishtianu Ronaldu, Ueyn Runi, Andrea Pirlo va boshqa ko‘plab futbol yulduzlari bo‘lishi mumkin.
Karlos Teves hozir 42 yoshda. U 2022 yil iyun oyida futbolchilik faoliyatini rasman yakunlagan.
