Dortmundning «Borussiya» klubi sobiq futbolchisi Yurgen Koler Germaniya chempionatining navbatdagi mavsumi haqida gapirdi. Faxriy Bundesliganing yangi mavsumi favoritini aytdi.

«Bundesliganing keyingi mavsumidagi asosiy favorit «Bavariya» emas, Dortmundning «Borussiya»si. "Asalarilar" ajoyib o‘yinchilar bilan kuchaydi va ular transfer bozorida ishlashda davom etishdi. Ushbu kelishuvlar bilan Dortmund yangi bosqichga ko‘tarildi.

"Bavariya" "Ayaks"dan ikki futbolchini sotib oldi, ammo ularning qanchalik yaxshi ekanligini baholash qiyin.

Qolaversa, myunxenliklar hali Levandovski bilan muammoni hal qilmagan. Ha, ular Sadio Mane bilan shartnoma imzoladilar, ammo u Robertning o‘rnini bosa olmaydi. Senegalliklarning hujumda boshqa vazifalari bor», - deya Yurgenning so‘zlarini keltiradi Kicker.