«Manchester Siti» markaziy himoyachisi Mark Gehi Abduqodir Husanov bilan birgalikdagi harakatlari haqida gapirib berdi. Aynan ushbu markaziy himoyachilar juftligi Xosep Gvardiola tomonidan «shaharliklar»ning so‘nggi o‘yinlarida asosiy tanlov sifatida qaralyapti.
«Husanov bilan birga o‘ynash menga juda manzur bo‘lmoqda. U nafaqat ajoyib futbolchi, balki juda yaxshi inson hamdir. Men birga o‘ynagan har bir jamoadoshimdan, jumladan Ruben Diash va Natan Akedan ko‘p narsa o‘rgandim. Umid qilamanki, biz birgalikda «Manchester Siti» himoyasidagi barqarorlikni ta’minlashda davom etamiz», — deya Gehining so‘zlarini keltiradi klub matbuot xizmati.
Chorshanba kuni «Siti» angliyalik futbolchining sobiq jamoasi «Kristal Pelas»ga qarshi bahs olib boradi.
