«Манчестер Сити» марказий ҳимоячиси Марк Геҳи Абдуқодир Ҳусанов билан биргаликдаги ҳаракатлари ҳақида гапириб берди. Айнан ушбу марказий ҳимоячилар жуфтлиги Хосеп Гвардиола томонидан «шаҳарликлар»нинг сўнгги ўйинларида асосий танлов сифатида қараляпти.
«Ҳусанов билан бирга ўйнаш менга жуда манзур бўлмоқда. У нафақат ажойиб футболчи, балки жуда яхши инсон ҳамдир. Мен бирга ўйнаган ҳар бир жамоадошимдан, жумладан Рубен Диаш ва Натан Акедан кўп нарса ўргандим. Умид қиламанки, биз биргаликда «Манчестер Сити» ҳимоясидаги барқарорликни таъминлашда давом этамиз», — дея Геҳининг сўзларини келтиради клуб матбуот хизмати.
Чоршанба куни «Сити» англиялик футболчининг собиқ жамоаси «Кристал Пэлас»га қарши баҳс олиб боради.
