UEFA internetda futbolchilarga nisbatan haqoratlarga qarshi kurash dasturini ishga tushiradi.
Maxsus dastur kelgusi uch yil davomida turli turnirlar, jumladan, yoshlar o‘rtasidagi final o‘yinlari, ayollar va erkaklar o‘rtasidagi turli musobaqalar davomida internetda haqoratomuz xatti-harakatlar va kamsitishlarning oldini olishga qaratilgan.
UEFA haqoratomuz kontentni olib tashlash uchun bevosita yirik ijtimoiy media platformalari bilan ishlaydi.
Tashkilot ushbu yo‘nalishda ma’rifiy ishlarni ham olib boradi – UEFA internetdagi haqoratlardan qanday himoyalanish mumkinligini aytib o‘tadi, shuningdek, bu boradagi bir qator hujjatli filmlarni ham namoyish etadi.
