"Barselona" o‘ng qanot hujumchisi Fransisko Trinkao "Vulverxempton"dagi ijara muddati yakunlanganidan so‘ng jamoaga qaytdi, deb e’lon qildi ingiliz klubi rasmiy sayti.
22 yoshli portugaliyalik o‘tgan mavsumda "bo‘rilar" safida 30 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
Uning "Barselona" bilan shartnomasi 2025 yilning iyunigacha mo‘ljallangan.
U 2020 yilda 31 million yevro evaziga "Braga"dan Kataloniya klubiga o‘tgandi.