"Manchester Siti" himoyachisi Aleksandr Zinchenko kecha "Arsenal"ning yangi hujumchisi sifatida rasman e’lon qilingan sobiq jamoadoshi Gabriel Jezus bilan xayrlashdi.
"Fenomenal futbolchi. Hayratli odam va o‘yinchi. Hech qachon to‘xtamaydigan haqiqiy jangchi. Omad tilayman, ukam”, — deb yozdi Zinchenko ijtimoiy tarmoqlarida.
Eslatib o‘tamiz, Zinchenko "Manchester Siti"ga Jezusdan olti oy oldin kelgandi. Futbolchilar birgalikda "shaharliklar" safida Angliya Premyer-ligasining to‘rtta chempionligini, shuningdek, mamlakat kuboklarini qo‘lga kiritishdi.













