Urugvay terma jamoasi hujumchisi Luis Suares "River Pleyt"ga o‘tmaydi, deya xabar beradi Ovacion.
Manbaning xabariga ko‘ra, futbolchi Argentina klubiga o‘tishdan bosh tortgan, chunki u Yevropada qolish umidida. Hozirda hujumchi erkin agent, shuning uchun u yangi klubga tekinga o‘tishi mumkin.
35 yoshli Suares bungacha “Nasional”, “Groningen”, “Ayaks”, “Liverpul”, “Barselona” va “Atletiko” klublarida to‘p tepgan. Urugvay terma jamoasi safida 132 ta o‘yin o‘tkazib, 67 ta gol urgan.