Hujumchi Robert Levandovskining "Bavariya"dan "Barselona"ga o‘tishi haqidagi "serialning" yangi qismi boshlandi. "Bavariya" yana hujumchi narxini oshirishga qaror qildi.

Oldinroq klublar transfer bo‘yicha deyarli kelishib olgani haqida ma’lumotlar paydo bo‘lgandi. "Barselona" nemis klubi talab qilganidek, bir yo‘la 50 million yevro to‘lashga rozi bo‘ldi. Biroq myunxenliklar yana o‘yin qoidalarini o‘zgartirdilar, endi ular 70 million so‘rayapti, deydi Fichajes nashri.

O‘tgan mavsumda futbolchi Bundesligada 34 ta o‘yin o‘tkazib, 35 ta gol urdi va 3 ta golga assistentlik qildi.