"Bavariya" "Yuventus" himoyachisi Matteys de Ligtning transferi bo‘yicha muzokaralarni muvaffaqiyatsiz boshladi, deb xabar beradi Get German Football News Bild nashriga tayanib.
Manbaga ko‘ra, "Yuventus" Myunxen klubining 60 million yevro va qo‘shimcha to‘lovlar sifatidagi 10 millionlik birinchi taklifini rad etgan.
Qayd etilishicha, klublar himoyachi "Bavariya"ga o‘tishni istayotganini anglab, muzokaralarni davom ettirishadi.
De Ligt o‘tgan mavsumda turinliklar safida 42 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo‘ljallangan.
