Himoyachi Alessio Romanyoli rasman "Lasio"ga o‘tdi. U Rim klubi bilan shartnoma imzoladi, deb xabar beradi klub rasmiy sayti.
Avvalroq kelishuv 2027 yilgacha hisoblab chiqilishi xabar qilingandi. Futbolchining maoshi yiliga 3,5 million yevroni tashkil qiladi.
Eslatib o‘tamiz, Romanyoli "Milan"da 2015 yildan buyon o‘ynab kelayotgan edi. “Rossonerilar” futbolkasida yetti yil davomida “Roma” tarbiyalanuvchisi 247 ta o‘yin o‘tkazib, 10 ta gol urgan.
Romanyolining "qizil-qoralar" bilan shartnomasi shu yilning yozida yakuniga yetgan. Himoyachi o‘tgan mavsumda "Milan" safida 26 ta o‘yinda maydonga tushib, bitta gol va bitta golli uzatmani amalga oshirdi.