Bugun, 13 iyul kuni London ringida o‘z iqtidori orqali boks jozibasini namoyish etgan Isroil Madrimov Toshkentga qaytib keldi.
Xabar berganimizdek, Angliyaning London shahrida hamyurtimiz Isroil Madrimov fransiyalik Mishel Soroga qarshi WBA Eliminator kamari uchun jang o‘tkazdi.
Minglab professional boks ishqibozlari guvohligida o‘tgan jangning ikkinchi raund so‘ngida fransiyalik charm qo‘lqop ustasining jarohat olgani bois hakamlar tomonidan texnik durang qayd etildi.
Aytish lozim, ilk raundlardanoq Isroil Madrimovning shiddatli harakatlari uni g‘oliblikka munosib ekanligini ko‘rsatayotgandi. Ammo, kutilmaganda Mishel Soroning qoshi yorilishi, uni yaqqol mag‘lubiyatdan asrab qoldi.
Bu esa iste’dodli bokschimizni WBA unvoniga majburiy da’vogar sifatida birinchi o‘rta vazn toifasida mutlaq jahon chempioni Jermell Charlo bilan bahslashish imkoniyatini hozircha so‘roq ostida qolishiga olib keldi.
Voqealar rivoji qay tarzda davom etishini vaqt ko‘rsatadi. Lekin, Mishel Madrimov bilan uchinchi bor ro‘baro‘ kelishni istamoqda.