"Manchester Yunayted"ning yangi a’zosi Kristian Eriksen ingliz klubiga o‘tganidan keyin o‘z his-tuyg‘ulari bilan o‘rtoqlashdi.
"Manchester Yunayted" - o‘ziga xos klub. Yangi jamoa bilan birgalikda ishlashni boshlash imkoniyatini intiqlik bilan kutaman. Menga bir necha bor “Old Trafford”da maydonga tushish baxtiga muyassar bo‘lganman, lekin o‘zim “Manchester Yunayted” libosini kiyishim o‘zgacha tuyg‘u.
Men Erik ten Xagning “Ayaks”dagi ishini kuzatdim. Shubhasiz, bu ajoyib murabbiy. Men u bilan shaxsan muloqot qilganman va u jamoaning o‘yinini qanday ko‘rishini va menga qanday rol yuklashini bilaman.
Men hali ham motivasiyaga to‘laman. "Manchester Yunayted" bilan ko‘p narsaga erisha olishimni bilaman", - deya daniyalikning so‘zlarini keltiradi jamoa sayti.
Mankunianliklar 15 iyul kuni 30 yoshli futbolchining transferini e’lon qildi. Daniyalik futbolchi bilan 2025 yilgacha mo‘ljallangan shartnoma imzolangan.
Eriksen o‘tgan mavsumda "Brentford" safida o‘ynab, 11 ta o‘yinda 1 ta gol va 4 ta golli uzatmani amalga oshirdi.
