"Manchester Siti" "Brayton" himoyachisi Mark Kukurelyaga qiziqish bildirmoqda. Bu haqda The Sun nashri xabar bermoqda.
"Shaharliklar" bosh murabbiyi Xosep Gvardiolaning so‘zlariga ko‘ra, 23 yoshli ispaniyalik futbolchi "Arsenal"ga o‘tishga yaqin turgan Aleksandr Zinchenko o‘rniga ideal chap qanot himoyachisi bo‘ladi. Biroq, "Brayton" Kukurelya uchun taxminan 50 million funt talab qilmoqda va "Siti" bunday pulni to‘lashga tayyor emas.
Kukurella “Espanyol” tizimida tarbiyalangan, shundan so‘ng “Barselona” akademiyasiga qo‘shilgan. 23 yoshli futbolchi 2017 yilda kataloniyaliklar uchun yagona o‘yinini o‘tkazdi. U 2021 yilning yozida "Brayton"ga transfer qilindi. O‘tgan mavsumda Premyer-ligada 35 ta o‘yinda maydonga tushib, 1 ta gol urdi va 1 ta golli uzatmani amalga oshirdi.