"Манчестер Сити" "Брайтон" ҳимоячиси Марк Кукурельяга қизиқиш билдирмоқда. Бу ҳақда The Sun нашри хабар бермоқда.
"Шаҳарликлар" бош мураббийи Хосеп Гвардиоланинг сўзларига кўра, 23 ёшли испаниялик футболчи "Арсенал"га ўтишга яқин турган Александр Зинченко ўрнига идеал чап қанот ҳимоячиси бўлади. Бироқ, "Брайтон" Кукурелья учун тахминан 50 миллион фунт талаб қилмоқда ва "Сити" бундай пулни тўлашга тайёр эмас.
Кукурелла “Эспаньол” тизимида тарбияланган, шундан сўнг “Барселона” академиясига қўшилган. 23 ёшли футболчи 2017 йилда каталонияликлар учун ягона ўйинини ўтказди. У 2021 йилнинг ёзида "Брайтон"га трансфер қилинди. Ўтган мавсумда Премьер-лигада 35 та ўйинда майдонга тушиб, 1 та гол урди ва 1 та голли узатмани амалга оширди.